Jumat, 28 Oktober 2011

Tausiah Pangersa Abah Anom

Khutbah Pangersa Abah Anom qs.

Urang sok ngadu’a ka Pangeran, hayang dipanjangkeun umur. Kade ulah lepat hartos, sanes hayang manjangkeun umur atanapi hayang ngaleuwihan tina umur nu tos ditangtoskeun ku Pangeran, naming hayang dipanjangkeun dina jalan kahadean, tiasa nyonto kangjeng Nabi anu teu pegat-pegat (manjang) aya dina kasaean. Kapan geuning sanaos parantos teu aya lahirna oge, teu weuleh seungit teu weleh panjang bae kasaeanana tur diaramalkeun di sakuliah dunya.

Numutkeun Hadits : Budak memeh nincak umur 4 bulan, parantos ditulis dina taarna :

1. Sabaraha lilana hirup di dunya
2. Kahadeanana sareng kaawonanana
3. Kumaha milik/rizkina
4. Pinter sareng bodona

Etamah parantos aya tibaheula. Upama sok aya nu menta panjang umur, naha tambahan ku naon atuh, kapan umur teh tos ditangtoskeun, ngan sakitu-kituna.
Ceunah eta geuning, aya nu maot dihirupkeun deui. Eta mah ulah jadi heran sabab aya MUJIJAT atanapi KARAMAT, nu dimaksud kanggo ngeberehkeun yen Mujijat sareng Karamat tehh memang aya.

Jadi, nu nyata mah umur tehh lain manjangan tapi ngurangan. Tiap menit, tiap jam, teh beuki beak, tambah deukeut kana kana waktu nu tos ditangtukeun. Unggal renghap, umur tehh di “KORTING” nepi ka beaknaKu ayana kitu, ulah goplah atuh dina tiap renghap tehh, pek EUSIAN KU ELING KA ALLAH. Eusian ! eusian ! samenit teu dipake eling ka Alloh , hartosna samenit aya dina kagoplahan. Omat ulah diparake sombong.

Dawuhan Alloh dina Qur’an surat Asysyu’araa 88-89 :

“YAOMA LAA YANFA ‘UMAA LAW WALAA BANUUN ILLA MANI ATALLOHA BIQOLBIN SALIM “. Dimana dating poe kiamat, sagala ge teu aya nu mangpaat, iwal ti jalma anu dating anu sumerah ka Alloh, mawa ati nu bersih.

Jadi, syaratna tehh nyaeta : “ DZIKRULLOH – ELING “ nu hartosna sumerah, tunduk sareng taslim.

Kumaha ari urang ?

Urang mah, nu karaos ku Abah hirup tehh seueur pohona tibatan elingna. Geuning din a Qur’an surat Al-‘Asri, urang tehh tos aya dina wanci asyar, wanci akhir zaman.
RUGI, upami aya dina wanci Asyar tehh sabab geus burit, tanaga geus kurang, rek macul geus moal aya nu muruhan dan geus poek, geus lain wancina pikeun macul. Ku kituna, pek atuh ti isuk keneh ari rek digawe mah da wanci Asyar mah geus telat.
Saha atuh nau teu rugi ? nu teu rugi mah nyaeta jelema S A B A R. mun keur aya, sabar. Mun keur susah atawa rugi, tetep sabar. Mun bingung ge, sabar bae moal cekcok moal ngarasa rugi da teu salah eunteup.

Ieu mah kumaha geura, keur halodo ngarep=ngarep hujan, ari geus hujan bet gegelendeng. “rek indit manaqib ieu tehh, naha bet hujan” pok na tehh. Nu rugi dina waktu Asyar tehh diibaratkeun situ nu teu dikocoran cai, ari caina nu geus aya terus-terus dikocorkeun. Tapi laukna dina eta situ tehh terus bae ngarendog tur teu mirosea kumaha engke nasib anak-anakna. Cai beuki orot, lauk beuki ngalobaan. Ari lauk nu galede kalah ka mijah ngiruhan cai, boga rasa teu ngabahayakeun kana dirina. Lele boga angkuhan aya pamatihna, padahal mun cai saat mah kabeh ge bakal paeh.

Nu boga situ tehh teu nyieun lombang dumeh caina saat, cor lombang tehh dikocoran cai. Lauk gede gugurinjalan hayang buu-buru asup kana lombang, moyeg ngagokan anu laleutik, tapi saenyana mah heula keneh nu laleutik asupna kana lombang tehh malah akhirna mah nu leutik nu salamet mah, seperti burayak da eta mah kapan bisa hirup dina cai saeutik, nu hartina : manusia nu lemah lembut.

Sepuh urang geus ngaramalkeun lira yak-ayak beas, nu gede moncor, nu leutik nyangsang. Jelasna, kudu jadi manusia nu lemah lembut, berakhlak utama ulah badag garihal, sehingga firman Alloh : PANGTAKABURNA JALMA TEH NYA ETA NU DAEK MAPATAHAN TAPI MANEHNA TARA MIGAWE.

Urang kudu jadi manusa anu lemah lembut tehh ku jalan parentah Pangeran nyaeta : “WADZKUR ROBBABA FII NAFSIKA” kudu inget ka Pangeran dina jiwa maneh, dina lelembutan maneh (latifah), sabab setan tehh ngagoda ka urang nepi kanan lelembutan. Asup kana liang getih, asup kana LATIFAH NU TUJUH, ngarayap leuwih lemes tibatan sireum.

Kumaha atuh ngusirna ?

Pek gunakeun DZIKIR JAHAR ulah asa-asa, diibaratkeun nakol paku ku leungeun, kapan moal nanceub, tapi pek gunakan ku palu sing tarik, pasti teurakeun.
DZIKIR JAHAR tehh keur nganteurkeun DZIKIR KHOFI, supaya ngeusi kana rasa anu salilana teu poho ka Pangeran, nu akhirna bisa nyingkirkeun gogodaan setan nu ngesi lelembutan (latifah/bathin) manusa nu kalindih kayajah karanjah ku panggoda setan pangwujuk nafsu.

Muga-muga urang sing tiasa ngajalankeun, kalayan aya hasilna demi kapentingan Bangsa jeung Nagara. Amiin

Salam

Dicutat tina : SINTHORIS
Manaqiban : 12 Syawal 1392 H / 12 November 1972 M

Twitter Delicious Facebook Digg Stumbleupon Favorites More

 
Powered by Blogger